Francisco Trinaldo hefur unnið sex bardaga í röð í léttvigt UFC. Óhætt er að segja að nýjasta æfingaaðferð hans sé undarleg þar sem hann æfir blindandi.
Þjálfari hans, André Dida, lét Trinaldo og æfingafélaga hans „sparra“ með bundið fyrir augun. Þetta gerði þjálfarinn til að æfa Trinaldo í að hlusta á þjálfarann sinn.
Þetta er í sjálfu sér ekki svo heimskuleg hugsun en það er kannski óþarfi hjá Trinaldo að kýla af svo miklum krafti þegar hvorki hann né æfingafélaginn sjá höggin. Það er bara ávísun á rothögg.
