Kevin Lee er gestabardagamaður á UFC bardagakvöldinu í Singapúr sem fer fram á laugardaginn. Kevin Lee var sendur í teygjustökk í Singapúr og var hann ansi skelkaður fyrir stökkið.
Léttvigtarmaðurinn Kevin Lee er hægt og rólega að verða stærra nafn í UFC. Hann barðist um bráðabirgðartitilinn í léttvigt í fyrra þar sem hann tapaði fyrir Tony Ferguson en kom svo til baka og sigraði Edson Barboza með frábærri frammistöðu í apríl.
Kevin Lee nýtur greinilega tímans í Singapúr en hann horfðist í augu við óttann og fór í teygjustökk. UFC tók það allt upp og sendi frá sér skemmtilegt myndband.
Þeir Donald Cerrone og Leon Edwards mætast í aðalbardaga kvöldsins á UFC bardagakvöldinu í Singapúr á laugardaginn.
?@MotownPhenom faces his fears in Singapore ??#UFCSingapore pic.twitter.com/TTwLqttqr0
— UFC Aus/New Zealand (@UFC_AUSNZ) June 14, 2018
