NBA liðið Sacramento Kings tók á dögunum æfingu undir handleiðslu Urijah Faber.
Urijah Faber er stofnandi Team Alpha Male liðsins sem er staðsett í Sacramento í Kaliforníu. Liðið æfði í æfingaaðstöðu Team Alpha Male undir handleiðslu Faber en hann berst í bantamvigt UFC. Faber er ekki nema 168 cm á hæð en hann kenndi til að mynda hinum 211 cm háa DeMarcus Cousins.
Þetta var skemmtileg tilbreyting fyrir körfuboltaliðið í undirbúningi sínum fyrir komandi tímabil í NBA. Fyrrnefndur Cousins virðist ekki vera á leið í MMA eftir að körfuboltaferlinum lýkur miðað við ummæli hans í myndbandinu hér að neðan.
https://www.youtube.com/watch?t=152&v=TtuATNEHqiM
