0

Næsta titilvörn Valentina Shevchenko verður gegn Liz Carmouche

Valentina Shevchenko ætlar greinilega að vera dugleg að berjast. Shevchenko er þegar komin með sinn næsta bardaga og mætir Liz Carmouche í ágúst.

Fluguvigtarmeistarinn Valentina Shevchenko varði titilinn sinn með glæsilegum sigri á Jessica Eye í byrjun júní. Valentina hlaut ekki mikinn skaða í bardaganum og virðist því vera strax tilbúin í annan bardaga.

Samkvæmt ESPN verður bardaginn aðalbardaginn á UFC bardagakvöldinu í Úrugvæ þann 10. ágúst en þetta verður fyrsta heimsókn UFC til Úrúgvæ. Valentina er með sterka tengingu við Perú og talar spænsku reiprennandi. Valentina er fædd í Kyrgistan en bjó lengi vel í Perú.

Þetta verður í annað sinn sem Valentina mætir Liz Carmouche en sú síðarnefnda sigraði Valentinu á litlu bardagakvöldi í Oklahoma árið 2010. Það var fyrsta tap Valentinu í MMA en læknirinn stöðvaði bardagann þar sem Valentina var með skurð.

Carmouche átti að mæta Roxanne Modafferi þann 13. júlí en UFC mun finna nýjan andstæðing fyrir Modafferi eftir breytinguna. Þetta verður annar titilbardagi Carmouche í UFC en hún mætti Ronda Rousey í fyrsta kvennabardaganum í sögu UFC árið 2013.

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í einhver ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Latest posts by Pétur Marinó Jónsson (see all)

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.