ONE Championship var með bardagakvöld í Singapúr í dag. Covid setti mark sitt á kvöldið þar sem aðalbardagi kvöldsins féll niður. Aðalbardaginn fell út vegna Covid og í kjölfarið bættust þrír nýjir bardagar við á kvöldið.
Aðalbardagi kvöldsins átti vera léttþungavigtar titilbardagi í kickboxi milli Murat Aygun og Roman Kryklia. Kryklia greindist með Covid-19 í gær og var bardaganum aflýst. One Championship er með lager af bardagamönnum sem eru staðsettir í Singapúr vegna næstu bardagakvölda ONE sem fara öll fram í Singapúr á komandi vikum. Fundinn var nýr andstæðingur fyrir Aygun og tveimur bardögum að auki bætt við kvöldið – einum kickbox bardaga og einum MMA bardaga (kvennabardagi í atómvigt milli Bi Nyguyen og Jihin Radzuan).
Í aðal MMA bardaga kvöldsins mættust Garry Tonon og Koyomi Matsushima. Fyrstu tvær loturnar fóru fram í gólfinu þar sem Tonon líður best. Í lok fyrstu lotu var Tonon nálægt því að klára bardagann með uppgjafartaki en bjallan bjargaði Matsushima. Þriðja lotan fór fram standandi og sigldi Tonon sigrinum heim eftir dómaraákvörðun. Eftir bardagann skoraði Tonon á fjaðurvigtarmeistarann Thanh Le. Thanh Le er fimmtu gráðu svartbeltingur í Taekwondo og verður sú viðureign án efa áhugaverð.
Bokang Masunyane 🇿🇦 SHELLACKS third-ranked Rene Catalan with a crazy head kick KO! 🤯 @LittleGiant_Bk #ONEBigBang #WeAreONE #ONEChampionship pic.twitter.com/ciW6hclIXp
— ONE Championship (@ONEChampionship) December 4, 2020
Tilþrif kvöldsins átti Suður-Afríkumaðurinn Bokang Maunyane þegar hann rotaði fyrrum ONE strávigtarmeistaran Rene Catalan í fyrstu lotu eftir aðeins 37 sekúndur. Í lok kvöldsins var tilkynnt að Demetrious Johnson mun berjast á móti ONE fluguvigtarmeistaranum Adrian Moraes þann 24. febrúar á næsta ári.
Úrslit ONE: Inside the Matrix II
Kickbox fjaðurvigt: Marat Grigorian sigraði Ivan Kondratev með rothöggi í annarri lotu.
Fjaðurvigt: Garry Tonon sigraði Koyomi Matsushima eftir dómaraákvörðun.
Kickbox Léttþungavigt: Murat Aygun sigraði Anderson Silva eftir dómaraákvörðun.
Kickbox Fjaðurvigt: Andy Souwer sigraði Zhang Chunyu eftir dómaraákvörðun.
Strávigt: Bokang Masunyane sigraði Rene Catalan með rothöggi í fyrstu lotu.
Atómvigt kvenna: Jihin Radzuan sigraði Bi Nguyen eftir dómaraákvörðun.
Atómvigt kvenna : Ritu Phogat sigraði Jomary Torres með tæknlegu rothöggi í þriðju lotu.
Hér fyrir neðan má sjá bardagakvöldið í heild sinni:
