Professional Fighters League (PFL) hefur tilkynnt að næsti stóri bardagaviðburður þeirra fari fram laugardaginn 13. desember 2025 í LDLC Arena í Lyon, Frakklandi.
Í aðalbardaga kvöldsins mætast Vadim Nemkov (18-2), fyrrverandi Bellator-meistari í léttþungavigt, og Renan Ferreira (13-4), sem vann PFL þungavigtarmótið árið 2024. Bardaginn verður um heimsmeistaratitil PFL í þungavigt.
Í Co-main snýr brasilíska goðsögnin Cris Cyborg (28-2) aftur í búrið þar sem hún mætir ósigruðu Ástralíunni Sara Collins (6-0). Þær berjast um heimsmeistaratitil PFL í fjöðurvigt kvenna.
Viðburðurinn mun einnig hýsa úrslit PFL Europe 2025 í léttvigt og bantamvigt, þar sem nýjar stjörnur Evrópu fá tækifæri til að sýna sig á stóra sviðinu.
„Franskir MMA-aðdáendur hafa sýnt PFL mikinn stuðning og við erum stolt af því að geta boðið þeim upp á kvöld sem endurspeglar ástríðu þeirra og hollustu,“ sagði John Martin, forstjóri PFL. „Þann 13. desember í LDLC Arena munu áhorfendur fá að sjá stærstu nöfnin, spennandi viðureignir og heimamenn á heimavelli.“
Cyborg, 40 ára, hefur lengi átt í erfiðu sambandi við PFL og aðeins barist einu sinni síðustu tvö árin, en hún hefur haldið sér virkri í hnefaleikum. Hinn 35 ára Ferreira fær með þessum bardaga tækifæri til að rétta sinn feril eftir tap gegn Francis Ngannou í Riyadh síðasta haust – Ngannou hefur ekki barist síðan.
