Marvin Vettori og Roman Dolidze mættust í aðalbardaga kvöldsins í APEX-inu í gærkvöldi. Marvin Vettori þótti mun sigurstranglegri fyrir bardagann en það var á endanum Georgíumaðurinn sem hafði sigur úr býtum.
Bardaginn var endurleikur milli þessara kappa en Vettori vann fyrri viðureignina sem fór fram fyrir sirka tveimur árum.
Viðureignin fór alfarið fram í standandi í box-fjarlægð og var Roman virkari bardagamaðurinn af þeim tveimur og lenti betur.
Í þriðju lotu tókst Vettori að koma Roman í töluverð vandræði og lá við að bardaginn myndi snúast við eða að Vettori myndi hreinlega takast að klára bardagann.
Roman Dolidze er núna á þriggja bardaga sigurgöngu eftir sigur gegn Kevin Holland og Anthony Smith. Hann er opinn fyrir því að gefa Vettori þriðja bardagann og innsigla þríleikinn en það verður ekki í náinni framtíð.
