Aðalbardagi kvöldsins hófst rétt fyrir klukkan 06:00 í morgun. Sean O’Malley og Marlon Vera fóru allar 5 loturnar og bar Sean O’Malley fremur auðveldan sigur úr býtum. Marlon skrúfaði upp pressuna í lokinn sem varð til þess að Sean þurfti að grafa djúpt til að sigla sigrinum heim. Dómararnir dæmdu bardagann 50 – 45 tvisvar og 50 – 44.
Marlon “Chito” Vera hefur aldrei verið rotaður á ferlinum, en í kvöld er spurning hvort að það hafi verið honum í hag. Vera var ekki sleginn út en hann tók hrikalega mikla refsingu frá Sean O’Malley. Sean lenti hrikalegu hné í annarri lotu sem small og glumdi í eyrum allra.
Fjórða lota var líklega sú öflugasta fyrir Marlon Vera, en hann reyndi sitt best að gera bardagann ljótan og koma Sean O’Malley í vandræði. En allt kom fyrir ekki, Sean lét ekki slá sig úr jafnvægi og tóskt alltaf að veðra storminn.
Hrikalega öruggur sigur hjá Sean O’Malley sem sótti hefndina fyrir eina tapið á ferlinum sínum.
