Ísland sendi 6 keppendur á Norðurlandameistaramótið í hnefaleikum sem hefst í dag. Viðburðinum er steymt beint á loumar.dk og þurfum við íslendingar að rifja upp dönskuna okkar athafnast almennilega á síðunni.
Hægt er að kaupa aðgang að streyminu eftir hádegi í dag. Það er ekki boðið upp á endursýningu eða tímaflakk, þannig að áhorfendur þurfa að vera límdir við skjáinn ef þeir vilja ekki eiga á hættu að missa af sínum uppáhalds hnefaleikamanni.
Streymið kostar 69 danskar krónur, en þeir sem eiga ekki 69 danskar krónur í vasanum þessa stunduna geta borgað 1379 íslenskar krónur í gegnum almenna bankaþjónustu.
Landsliðssætin í þessu verkefni skipa eftirfarandi:
U19 -54kg Kvenna : Erika Nótt Einarsdóttir – Hnefaleikafélag Reykjavíkur/WCBA
U19 -63,5kg Karla: Gabríel Waren – Hnefaleikafélag Reykjavíkur/WCBA
U19 -67kg Karla: Nóel Freyr Ragnarsson – Hnefaleikafélag Reykjavíkur/WCBA
U19 -75kg Karla: Benedikt Gylfi Eiríksson – Hnefaleikafélag Hafnarfjarðar
Elite -67kg Karla: Hafþór Magnússon – Hnefaleikafélag Hafnarfjarðar
Elite -75kg Karla: Elmar Gauti Halldórsson – Hnefaleikafélag Reykjavíkur/WCBA
