Í 35. þætti Tappvarpsins gerum við upp UFC 212 sem fór fram um síðustu helgi. Þá ræddum við einnig um stöðu Demetrious Johnson og Germaine de Randamie.
UFC 212 fór fram um síðustu helgi þar sem Max Holloway sigraði Jose Aldo. Holloway leit frábærlega út og fórum við vel yfir helstu bardaga kvöldsins.
Fluguvigtarmeistarinn Demetrious Johnson á í útistöðum við UFC um þessar mundir. UFC vill að hann berjist við T.J. Dillashaw á meðan Johnson vill frekar mæta Ray Borg. UFC hefur hótað því að leggja niður fluguvigtina verði Johnson ekki að ósk þeirra.
Að lokum fórum við yfir undarlega stöðu Germaine de Randamie en hún er fjaðurvigtarmeistari kvenna. De Randamie vill ekki mæta Cyborg og er tilbúin til að láta beltið af hendi og fara aftur niður í bantamvigtina í stað þess að mæta henni.
Biðjumst velvirðingar á örlitlum hljóðtruflunum í byrjun.
