Tim Means er einn af þeim bardagamönnum sem fékk bann eftir að USADA byrjaði að sjá um lyfjamálin hjá UFC. Tim Means segir að reglurnar hafi breyst miðað við þá meðferð sem Jon Jones er að fá.
Örlítið magn af anabólíska steranum turinabol fannst í lyfjaprófi Jon Jones fyrr í desember. USADA telur að efnið komi ekki frá nýjum skammti heldur séu einungis leyfar fyrir efnið sem fannst í lyfjaprófinu í júlí 2017 sem Jones hefur þegar fengið bann fyrir.
Margir bardagamenn eru afar ósáttir við þá niðurstöðu USADA að Jones hafi ekki gert neitt rangt og fái að berjast á laugardaginn. Tim Means er einn af þeim bardagamönnum sem hefur látið í sér heyra en hann fékk 6 mánaða bann árið 2016 eftir að anabólíski sterinn ostarine fannst í lyfjaprófi hans. Means fékk stutt bann þar sem hann gat sýnt fram á að efnið hefði komið úr fæðubótarefni.
„USADA fann Ostrine í fæðubótarefni sem ég var að taka. USADA gerði prófanir á kreatíninu sem ég var að taka og fann efnið. Fyrir gerðardómstólnum tilkynntu þeir mér að magnið sem fannst hafi ekki verið frammistöðubætandi en var engu að síður bannað efni,“ sagði Means á Twitter.
„Þeir sögðu mér einnig að ég væri ábyrgur fyrir því hvað ég set í skrokkinn minn þó það hafi ekki komið fram í innihaldslýsingunni [á kreatíninu]. Ég sætti mig við sex mánaða bann þar sem það tók langan tíma að rannsaka málið. Tapaði 200.000 dollurum. Ætli reglurnar hafi ekki breyst.“
@usantidoping found ostrine in my supplement. Usada tested new bottle of creatine I was taking and found it. In my arbitration hearing they told me the amount in my system didn’t benefit me athletically but was still a banned substance.
— tim means (@MeansTim) December 27, 2018
They also told me I was responsible for what was in my system even though it wasn’t listed on the label. I Settled for six months since it took that long to finish investigation. $200k lost. Guess the rules have changed.
— tim means (@MeansTim) December 27, 2018
Means telur að þar sem efnið hafi fundist í Jones eigi hann samt að fá bann þar sem íþróttamaðurinn beri alltaf ábyrgð á því hvað sé sett í skrokkinn. Þegar Means féll á lyfjaprófinu var hann með stóran bardaga framundan gegn Donald Cerrone en fékk ekki að berjast.
