Þau hræðilegu tiðindi voru að berast að Tony Ferguson er meiddur! Dana White, forseti UFC, hefur sjálfur greint frá þessu og tekur fram að ekki sé um apríl gabb að ræða. Fjaðurvigtarmeistarinn Max Holloway kemur inn í hans stað.
Þetta eru einfaldlega lygileg tíðindi. Í fjórða sinn hefur bardagi Khabib Nurmagomedov og Tony Ferguson fallið niður. Í þetta sinn er það Tony Ferguson sem dregur sig úr bardaganum en Ferguson er meiddur á hné. Dana White staðfesti þetta fyrir skömmu.
BOOM!!!!!! We got Khabib vs The Champ Max Holloway for the 155lb title this Saturday in Brooklyn New York!!!!!!! pic.twitter.com/quvI3UqGXh
— Dana White (@danawhite) April 1, 2018
Það er erfitt að trúa þessu þann 1. apríl en fjölmargir hafa greint frá þessu.
This is not an April Fool’s joke. I would never do that. This is 100% real. Ferguson-Nurmagomedov is off again.
— Ariel Helwani (@arielhelwani) April 1, 2018
I promise you this is not an April Fool’s joke. Ferguson out, Holloway in at UFC 223.
— Brett Okamoto (@bokamotoESPN) April 1, 2018
Dana White sagði ennfremur að Ferguson verði sviptur bráðabirgðartitlinum og Conor McGregor sennilega sviptur sínum titli líka eftir bardaga Khabib og Holloway. UFC ætlar þó að bíða með allar slíkar ákvarðanir þar til báðir bardagamenn eru komnir í búrið á laugardaginn.
Við erum þó enn með hörku bardaga á dagskrá en fjaðurvigtarmeistarinn Max Holloway kemur í stað Tony Ferguson og verður barist upp á léttvigtartitil UFC.
UFC 223 fer fram næsta laugardag og verður bardagi Khabib og Holloway aðalbardagi kvöldsins.
