UFC 252 fer fram á laugardaginn þar sem barist verður um þungavigtartitilinn í aðalbardaga kvöldsins. Annar þátturinn í Embedded seríunni er kominn fyrir helgina.
Í þættinum fáum við að kíkja bakvið tjöldin hjá bardagamönnum fyrir helgina. Sean O’Malley ákvað að lita á sér hárið í fánalitum Ekvador þar sem andstæðingur hans, Marlon Vera, kemur frá Ekvador. Daniel Cormier tekur góða æfingu í Las Vegas og Stipe Miocic leikur sér í sundlauginni með fjölskyldunni.
