Stefan Struve var ekki lengi að afgreiða Antonio „Bigfoot“ Silva. Heimamaðurinn Struve kláraði Silva eftir aðeins 16 sekúndur!
Þungavigtarmennirnir voru snöggir að þessu. Eftir beina hægri snemma frá Struve var Silva strax vankaður. Silva óð áfram í von um að ná að minnsta kosti „clinchinu“ en mætti fleiri höggum frá Struve. Silva fór í fellu en Struve lét hann borga fyrir það með olnbogum og stöðvaði dómarinn bardagann fljótlega.
Frábær sigur hjá Struve sem hefur átt erfitt uppdráttar. Í viðtalinu eftir bardagann kvaðst Struve vera mættur aftur. Þetta er stærsti sigur hans á ferlinum og var hann hæstánægður með þetta sem og auðvitað áhorfendur.
