Fyrsta degi ADCC Trials Serbia er lokið og eru báðir keppendurnir okkar í professional flokki komnir áfram á dag tvö. Stefán Fannar fékk gefins sigur í fyrstu umferð og gat sparað sér svitann á degi eitt en Villi mætti Amir Marouani frá London Grappling.
Villi var með yfirhöndina allan tímann en eftir 6 mínútna glímu var staðan 0-0 á stigum og fór í framlengingu. Þá tókst Villa að sækja tvö stig og stjórnaði Amir nær allan tímann en sá breski var nálægt því að tryggja sér stöðu á bakinu hans Villa og sækja stig.
Glímuna má sjá á YouTube-rás MMA Frétta.
