Það hefur nú verið staðfest að Amanda Nunes geti ekki barist á UFC 213 í kvöld. Nunes átti að mæta Valentinu Shevchenko í aðalbardaga kvöldsins en getur ekki barist vegna veikinda.
Þetta staðfesti MMA Junkie í samtali við Dana White, forseta UFC.
UPDATE: Dana White confirms with @MMAjunkie that Nunes it out of the UFC 213 headliner. Whittaker-Romero is new main event. https://t.co/fmK8dzmMRw
— MMAjunkie (@MMAjunkie) July 8, 2017
Nunes hefur verið slöpp alla vikuna og var send upp á spítala fyrr í dag. Þá greindi Dana White einnig frá því að strávigtarmeistarinn Joanna Jedrzejczyk hefði boðist til að stíga inn og mæta Valentinu Shevchenko.
Just spoke with @danawhite, and he said @joannamma was begging him to step in and take the fight. NSAC would never allow, but #gangster. https://t.co/Len2uQg0wM
— John Morgan (@MMAjunkieJohn) July 8, 2017
Þetta er gríðarlegt áfall fyrir Nunes og UFC. Þetta átti að vera hennar önnur titilvörn en nú er ljóst að bardaginn fer ekki fram í nótt. Bardagi Yoel Romero og Robert Whittaker um bráðabirgðartitilinn í millivigt verður aðalbardagi kvöldsins.
Upphaflega átti aðalbardagi kvöldsins að vera á milli Cody Garbrandt og T.J. Dillashaw en Garbrandt meiddist nokkrum vikum fyrir bardagann. Ljóst að þetta bardagakvöld hefur ekki heppnast eins og UFC vonaðist eftir.
Bardagi Rob Font og Douglas Sila de Andrade í bantamvigtinni færist upp á aðalhluta bardagakvöldsins í staðinn.
