Vor Bikarmót HNÍ fór af stað um helgina með miklum krafti. Ein af stærri viðureignum mótsins var endurleikur milli Benedikt Gylfa og Eyþór Sturlu, en þeir mættust síðast á Icebox í nóvember.
Landsliðsmaðurinn Benedikt Gylfi átti harman að hefna gegn Eyþóri eftir að hafa þurft að sætta sig við tap á Icebox. Bardaginn þeirra á Bikarmótinu var mjög spennandi og skemmtilegur allan tímann, en það var að lokum Benedikt sem bar sigur úr bítum eftir klofinn dómara úrskurð.
Benedikt gaf sér tíma í stutt viðtal eftir sigurinn og bardaginn er í heild sinni á YouTube.
