Charles Oliveira á að mæta Ricardo Lamas á morgun. Oliveira náði léttvigtartakmarkinu í vigtuninni í morgun en vandamálið er að bardaginn fer fram í fjaðurvigt.
Charles Oliveira var 155 pund á vigtinni í morgun (og fór meira að segja úr nærbuxunum eins og það myndi breyta einhverju) en bardaginn á að fara fram í 145 punda fjaðurvigt. Þetta er í fimmta sinn í UFC sem Oliveira mistekst að ná vigt í UFC. Hin fjögur skiptin má sjá hér:
Desember 2015 fyrir bardaga gegn Myles Jury (150,5 pund)
Desember 2014 fyrir bardaga gegn Jeremy Stephens (146,5 pund)
September 2014 fyrir bardaga gegn Nik Lentz (150,5 pund), hætt við bardagann
September 2012 fyrir bardaga gegn Cub Swanson (146,4 pund)
Ricardo Lamas ætlar að berjast en bardaginn mun fara fram í hentivigt. Oliveira mun gefa Lamas 30% af launum sínum.
Það er með ólíkindum að Oliveira virðist alltaf sleppa og hefur ekki verið neyddur upp í léttvigt til þessa. Það er spurning hvort þetta sé kornið sem fyllti mælinn en ljóst að Oliveira getur ekki keppt í fjaðurvigt.
