Colby Covington sigraði Tyron Woodley í nótt með tæknilegu rothöggi í 5. lotu. Covington fékk símtal frá Donald Trump eftir bardagann.
Í viðtalinu eftir bardagann fékk Colby Covington símtal frá forseta Bandaríkjanna. Trump óskaði honum til hamingju með sigurinn en hann horfði á bardagann í gær.
„Þú ert frábær bardagamaður. Þetta leit út fyrir að vera auðvelt fyrir þig, ég veit ekki hvernig þú fórst að þessu. Til hamingju, ég horfði á bardagann þinn, þú varst frábær,“ sagði Trump.
President Trump called @ColbyCovMMA during the #UFCVegas11 post show 📱 pic.twitter.com/FJsUMQV8Xk
— ESPN MMA (@espnmma) September 20, 2020
Covington hefur lengi tengt sig við Donald Trump og klæðist oft „Make America Great Again“ derhúfunni. Covington sagði að Trump muni gjörsigra forsetakosningarnar í nóvember.
