Á síðasta stoppinu í heimstúr Jose Aldo og Conor McGregor fyrir UFC 189 var auðvitað stoppað í Dublin. Þar var mikil stemning og ætlaði allt um koll að keyra þegar Conor McGregor hrifsaði belti Aldo af borðinu við mikinn fögnuð viðstaddra.
Conor McGregor hefur látið öllum illum látum í túrnum og toppaði sig í dag með því að taka fjaðurvigtarbelti Aldo af borðinu á blaðamannafundinum. Framan af túrnum lét Aldo ekki ógna sér og virtust lætin í McGregor ekki trufla hann. Á síðustu dögum hefur Aldo verið talsvert pirraðri eins og sjá mátti þegar McGregor kleip í öxl Aldo nýlega. Það verður að segjast að atvikið í kvöld toppar allt sem McGregor hefur gert í túrnum.
