Fyrrum UFC-bardagamaðurinn og Íslandsvinurinn Conor McGregor hefur tilkynnt að hann ætli í forsetaframboð. Fréttirnar bárust stuttu eftir að Conor fór í óvænta heimsókn í Hvíta Húsið þar sem Donald Trump Bandaríkjaforseti tók vel á móti honum. Conor tjáði sig svo um ólöglega innflytjendur sem herja á Írland. Forsetaframboðið hans Conor kemur stuttu eftir að hann var dæmdur fyrir nauðgunarákæru seint á síðasta ári.
Make Ireland Great Again
Conor heimsótti Trump í Hvíta húsið á St. Patricks Day, hátíðardegi Íra. Það virðist sem svo að Conor ætli í fremur hægri sinnað framboð og var hann hæst ánægður með heimsóknina til Donald Trump sem hann tekur til fyrirmyndar í þessu nýja verkefni. Conor segir að Írland standi fyrir sömu áskorunum og ógnum og Bandaríkin. Þar í landi séu mikið af ólöglegum innflytjendum, fjármagni ríkissjóðs sé eytt í verkefni utan landsteinanna og að pólitíkusar tali ekki lengi máli almennings.
Fregnir bárust af því að UFC væri búið að fjarlægja Conor McGregor af skrá yfir virka bardagamenn hjá fyrirtækinu. Þetta kemur aðdáendum líklega á óvart en þetta hefur ekki fengist alveg staðfest frá traustum heimildarmönnum. Conor hefur lengi talað um að stiga aftur inn í búrið og lofað bardögum sem hafa fallið upp fyrir. Forsetaframboðið gæti þýtt að Conor berjist ekki meira fyrir UFC.
Nýlega dæmdur
Conor var leiddur fyrir kviðdóm í nóvember í fyrra og dæmdur fyrir kynferðisbrot gegn Nikita Hand. Brotið á að hafa átt sér stað á hóteli í Dublin 2018 og var Conor gert að greiða 248.000 evrur í skaðabætur. Í kjölfarið missti Conor mikinn fylgjendahóp, vörusamninga og voru vinsældir kappans í algjöru lágmarki.
Conor er vanur bardagamaður og tekur núna slaginn fyrir írsku þjóðina. Það verður fróðlegt að sjá hvernig kosningabaráttan fer en kosningarnar verða haldnar í nóvember 2025.
