Conor McGregor er skærasta stjarna UFC þessa dagana en það má glögglega sjá á því hvernig hann er að sprengja öll met í sölu á Pay per view á þeim viðburðum þar sem hann hefur verið aðalstjarnan.
Undanfarna 12 mánuði hefur Conor McGregor keppt fjórum sinnum. Á þessu 12 mánaða tímabili hefur hann trekkt að 6 milljónir áhorfenda sem hafa greitt fyrir Pay per view (PPV). Til að setja þetta í samhengi seldi UFC 3,3 milljón PPV allt árið 2014. Conor McGregor trekkir því fleiri sjónvarpsáhorfendur að á 12 mánuðum en allir bardagakappar UFC gerðu samanlagt árið 2014.
Aðrar stjörnur UFC á borð við Georges St. Pierre og Brock Lesnar eiga ekki möguleika í McGregor en hann trekkir meira að en þeir báðir samanlagt. Brock Lesnar var lengi vel helsta stjarna UFC þegar kom að PPV kaupum með 970.000 seld PPV að meðaltali. Conor McGregor selur 1,35 milljón PPV að meðaltali og er þar með orðin langstærsta stjarna UFC frá upphafi.
Fyrir þá sem vilja glöggva sig nánar á tölunum er hægt að skoða grein BloodyElbow hér.
