Cub Swanson og Artem Lobov mætast á UFC bardagakvöldinu í Nashville þann 22. apríl. Bardaginn verður aðalbardaginn á UFC Fight Night 108.
Cub Swanson var í einum besta bardaga ársins á UFC 206 í desember þegar hann sigraði Doo Hoi Choi. Það var hans þriðji sigur í röð og vildi hann fá andstæðing ofarlega á styrkleikalistanum næst.
UFC hefur af einhverjum ástæðum ákveðið að bóka Swanson gegn Artem Lobov. Swanson er í 4. sæti á styrkleikalistanum í fjaðurvigt á meðan Lobov er ekki á topp 15.
Lobov, sem er einn af æfingafélögum Conor McGregor, hefur unnið tvo bardaga í röð í UFC og ítrekað óskað eftir bardaga gegn Swanson að undanförnu. Þeir Swanson og Lobov hafa átt í orðaskiptum á Twitter og fær Lobov nú ósk sína uppfyllta.
Swanson segist þó ætla að kenna honum smá mannasiði.
Asked @CubSwanson what he thought about the @RusHammerMMA bout:
“It was the fight I was offered. I’m gonna teach him some manners,” he said.— Ariel Helwani (@arielhelwani) February 12, 2017
Bardaginn fer fram þann 22. apríl í Nashville og hefur UFC nú þegar staðfest sjö bardaga á kvöldinu.
