Cynthia Calvillo mætir Joanne Calderwood á UFC bardagakvöldinu í Glasgow á sunnudaginn. Calvillo hefur skotist hratt upp metorðalistann í UFC á skömmum tíma.
Cynthia Calvillo (5-0) var aldrei í íþróttum sem barn. Þegar hún var 23 ára byrjaði hún bara að æfa MMA sér til gamans en eftir hennar fyrsta áhugamannabardaga vissi hún að þetta var það sem hún vildi gera.
Sjá einnig: Joanne Calderwood – Veit að Sunna mun vinna
Calvillo hefur verið mjög dugleg að berjast að undanförnu en hún tók sinn fyrsta atvinnubardaga í ágúst í fyrra. Calvillo er sterk í glímunni en hún hefur klárað báða bardaga sína í UFC með uppgjafartaki.
Bardagi hennar gegn Joanne Calderwood verður næstsíðasti bardaga kvöldsins á laugardaginn og ætti að verða góð skemmtun.
