Dana White, forseti UFC, birti í gærkvöldi stutt myndbrot af Conor McGregor að sparra við Paulie Malignaggi. Paulie Malignaggi hefur verið mikið í umræðunni eftir að hann yfirgaf æfingabúðir Conor í fússi.
Paulie Malignaggi er fyrrum tvöfaldur heimsmeistari í boxi og átti að vera hluti af æfingabúðum Conor McGregor fyrir boxbardaga hans gegn Floyd Mayweather. Eftir skamman tíma yfirgaf hann æfingabúðirnar eftir að myndir af þeim Conor og Paulie Malignaggi að sparra fóru á netið.
Á einni myndinni virtist sem Conor hefði kýlt Malignaggi niður. Malignaggi sagði að Conor hefði hrint sér niður en nú hefur Dana White birt stutt myndbrot af atvikinu á Instagram. Dæmi hver fyrir sig.
Malignaggi hraunaði yfir Conor á mánudaginn í The MMA Hour og verður eflaust ekkert mikið kátari með þessi myndbrot.
Dana White birti einnig lengra myndbrot þar sem þeir Conor og Malignaggi eigast við.
