Mike Perry ætlar að selja pláss sem hornamaður hjá sér á uppboði. Darren Till ætlar að kaupa pláss í horninu hjá honum.
Vinskapur Darren Till og Mike Perry hefur verið hálfgerð rússíbanareið síðustu ár. Í dag eru þeir nær því að vera óvinir en perluvinir. Um tíma áttu þeir að berjast en eftir að Till fór upp í millivigt lögðu þeir ríginn til hliðar.
Perry og Till skiptust á vinalegu gríni á samfélagsmiðlum um nokkurt skeið en þegar Till sagði niðrandi orð um nýja kærustu Perry fór vinskapurinn út um gluggann.
Perry blokkaði Till á samfélagsmiðlum en Till brá á það ráð að kaupa lénið MikePerryisabum.com. Á síðunni er ekki mikið efni annað en myndir af Perry að fá högg í sig og myndir frá töpum hans. Þá eru einnig tenglar á myndband af Perry þegar hann var rotaður í boxbardaga.
Perry er í dag ekki með neina þjálfara. Perry fer á milli bardagaklúbba til að fá æfingafélaga til að glíma við en neitar að ráða til sín þjálfara. Í síðasta bardaga var hann bara með kærustuna sína, Latory Gonzalez, í horninu og engan annan.
Perry hefur brugðið á það ráð að selja pláss sem hornamaður hjá sér í sínum næsta bardaga. Þannig getur hæstbjóðandi keypt sig inn í hornið hjá Perry og verið þar á fremsta bekk að horfa á bardagann en um leið ráðlagt Perry.
Whoever gives me the most money can be in my corner with @latory_g ,…
— Platinum Mike Perry (@PlatinumPerry) October 4, 2020
Darren Till hefur boðið 5.000 dollara í plássið og er honum alvara. Samkvæmt umboðsmanni Perry þyrfti Till að borga eigin ferðakostnað en mun annars fá plássið. NFL leikmenn hafa einnig lýst yfir áhuga á að kaupa plássið.
Couple days ago, @PlatinumPerry tweeted “whoever gives me the most money” can corner him along with his pregnant girlfriend for his upcoming fight vs. Robbie Lawler.
— Ariel Helwani (@arielhelwani) October 6, 2020
Well, @darrentill2 tells me he is dead serious about willing to pay $5,000 to be in Perry’s corner for the fight.
It’s pretty much a done deal. Darren needs to cover costs of travel and it’s done. https://t.co/J7OOVupqhJ
— Ibrahim Kawa (@Abraham_kawa) October 6, 2020
Perry mætir Robbie Lawler á UFC 255 þann 21. nóvember. Ef fram fer sem horfir verður Till í horninu hjá Perry.
