Deiveson Figueiredo þurfti aðeins tæpar tvær mínútur til að klára Alex Perez í gær. UFC vill bóka hann strax í annan titilbardaga og gæti hann snúið aftur eftir aðeins þrjár vikur.
Figueiredo er ríkjandi fluguvigtarmeistari og náði hann sinni fyrstu titilvörn í gær á UFC 255. Fyrr um kvöldið sigraði Brandon Moreno nafna sinn Brandon Royval.
Dana White, forseti UFC, vill ekki sjá Figueiredo fara aftur heim til Brasilíu. Dana vill sjá Figueiredo mæta Moreno á UFC 256 þann 12. desember. Einn titilbardagi er bókaður á UFC 256, viðureign Petr Yan og Aljamain Sterling, en titilbardaga Amanda Nunes og Megan Anderson sem átti að vera á kvöldinu hefur verið frestað.
UFC flyweight champion Deiveson Figueiredo and Brandon Moreno have officially verbally agreed to fight at UFC 256 on Dec. 12, per multiple sources.
— Ariel Helwani (@arielhelwani) November 22, 2020
The flyweight title fight will join the previously-booked bantamweight title fight between champ Petr Yan and Aljamain Sterling.
Ef Figueiredo samþykkir bardagann verða aðeins þrjár vikur á milli titilbardaga hjá honum en það er met í UFC.
