Donald Cerrone var í skemmtilegu viðtali á dögunum þar sem hann talaði um titilbardagann, Reebok samninginn og Budweiser.
Cerrone var staddur á búgarði sínum þegar viðtalið við Inside MMA fór fram. Hann var að venju með kúrekahattinn sinn og drakk Budweiser en bjórframleiðandinn er einn af hans aðal styrktaraðilum.
Cerrone var æstur að fá titilbardagann en aðallega þó til að fá að berjast aftur sem fyrst. „Ég berst til að berjast. Titillinn skiptir mig ekki öllu. Ég fer þarna bara til að hafa gaman, geri það sem ég geri. Það væri samt töff að vera bestur í heiminum í einhverju. Væri töff að geta afhent ömmu minni beltið, hún myndi dýrka það,“ sagði Cerrone. Viðtalið í heild sinni má sjá hér að neðan.
