Floyd Mayweather hló að 25 milljón dollara tilboði Dana White. Í gær bauð Dana White þeim Floyd og Conor 25 milljónir hvor fyrir boxbardaga.
Dana White þarf sennilega að bjóða betur en þetta. Floyd hefur áður sagt að hann muni aðeins snúa aftur í boxhringinn ef hann fær 100 milljónir dollara. Tilboð Dana White er því ekki nema einn fjórði af þeirri upphæð.
„Hann er f**king grínisti,“ sagði Floyd við TMZ í gær þegar hann heyrði af tilboðinu og benti á úrið sitt sem er ekki ódýrt.
