Francis Ngannou ætlar að taka sér góða hvíld eftir tapið gegn Stipe Miocic. Ngannou tapaði fyrir Miocic um síðustu helgi í bardaga um þungavigtartitilinn.
Francis Ngannou hefur verið á hraðri uppleið í UFC en tapaði í fyrsta sinn í UFC um síðustu helgi. Eftir jafna fyrstu lotu tók Miocic yfir bardagann og var Ngannou örþreyttur megnið af bardaganum.
Ngannou sagði á Instagram síðunni sinni í gær að hann ætlaði að taka sér smá pásu til að hlúa að einkalífinu. Ngannou hefur búið í Las Vegas undanfarna mánuði en ætlar núna heim að kíkja á fjölskyldu og vini. Þessi kamerúnski bardagamaður er þó ekki af baki dattinn eftir tapið og verður áhugavert að sjá hann aftur í búrinu þegar hann snýr aftur.
