Bardaginn sem tilkynntur var í mars getur farið fram eftir fimm mánuði. Þetta segir Georges St. Pierre um komandi bardaga sinn gegn Michael Bisping.
Fyrrum veltivigtarkóngurinn Georges St. Pierre snýr aftur í búrið í haust eftir að hafa hætt í desember 2013. Þann 1. mars tilkynnti UFC að hann muni snúa aftur og verður það titilbardagi í millivigtinni gegn Michael Bisping.
Þegar bardaginn var tilkynntur var ekki vitað hvenær hann færi fram og er það ekki enn vitað. Á föstudaginn sendi Georges St. Pierre þessi skilaboð:
A message to Michael @bisping. pic.twitter.com/PYEg3Q0osV
— Georges St-Pierre (@GeorgesStPierre) May 5, 2017
„Herra Bisping, ég hef hreinsað dagskrána mína til að verða tilbúinn fyrir æfingabúðir eftir sumarið. Ég get því barist við þig hvenær sem er eftir október. Veldu dagsetningu, gerum þetta,“ segir St. Pierre í myndbandinu.
Biðin ætlar því að vera enn lengri en talið var og er bardaginn afar umdeildur. Lítil spenna virðist vera fyrir bardaganum og ríkir algjör pattstaða í millivigtinni á meðan beðið er eftir titilbardaganum. Submission Radio hitti naglann á höfuðið með þessari mynd:
Accurate representation of how long until Michael Bisping vs. GSP…. pic.twitter.com/FzL1QBAi8L
— Submission Radio (@SubmissionAus) May 5, 2017
