Gunnar Nelson mætir Gilbert Burns á laugardaginn. Samkvæmt veðbönkum er Gilbert Burns sigurstranglegri.
Bardaginn fer fram á UFC bardagakvöldinu í Kaupmannahöfn á laugardaginn. Gunnar er að koma til baka eftir tap gegn Leon Edwards en Burns sigraði Alexey Kunchencko síðast eftir dómaraákvörðun.
Samkvæmt veðbönkum er Burns líklegri til sigurs. Stuðullinn á Burns er frá 1,72 til 1,79 en stuðullinn á sigur hjá Gunnari er frá 2,00 og upp í 2,17. Gunnar var sigurstranglegri fyrst þegar bardaginn var tilkynntur en stuðullinn hefur breyst þar sem fleiri virðast vera að veðja á Burns.
Gunnar hefur oftast verið sigurstranlegri hjá veðbönkum fyrir bardaga sína nema gegn Leon Edwards, Albert Tumenov og Brandon Thatch. Bardaginn gegn Burns á laugardaginn verður erfiður og stefnir allt í spennandi bardaga.
