Cage Warriors 106 fór fram í London í gærkvöldi. Aðalbardagi kvöldsins endaði með óvenjulegum hætti þar sem gólfið þótti of sleipt til að hægt væri að berjast.
Þeir Nicolas Dalby og Ross Houston mættust í aðalbardaga kvöldsins. Dalby var bráðabirgðarmeistari Cage Warriors og átti að sameina beltin þar sem Houston var með alvöru veltivigtartitilinn.
Bardaginn byrjaði ansi fjörlega en í 1. lotu fékk Dalby stóran skurð eftir olnboga frá Houston. Það byrjaði strax að blæða verulega úr skurðinum en dómarinn Marc Goddard fékk lækninn strax til að kíkja á skurðinn. Læknirinn gaf Dalby grænt ljós á að halda áfram og fékk Dalby væna vaselín lúku yfir skurðinn eftir 1. lotu til að koma í veg fyrir blæðinguna.
Dalby átti frábæra frammistöðu í 2. lotu og braut nef Houston með beinni hægri. Það fór því að blæða mikið úr Houston líka og hvíti dúkurinn í búrinu orðinn rauðleitur sem og hvítar stuttbuxur Houston.
Í 3. lotu hélt Dalby áfram að sækja og virtist nálægt því að klára bardagann. Dúkurinn í búrinu var þó orðinn mjög sleipur eftir blóð og svita bardagamanna. Þeir áttu því báðir í vandræðum með að athafna sig og var gólfið eins og skautasvell.
Dómarinn Marc Goddard hafði áhyggjur af öryggi keppenda þar sem báðir runnu ítrekað í búrinu. Goddard stöðvaði því bardagann eftir tvær mínútur í 3. lotu og bardaginn dæmdur ógildur.
Þetta var fimm lotu titilbardagi og því hefði ekki verið hægt að fara í dómaraákvörðun. Dalby var þó að hafa yfirhöndina og má teljast óheppinn að bardaginn hafi endað svona. Gólfið var þó of sleipt eftir blóðbað og bardaginn því stöðvaður en þetta er sennilega í fyrsta sinn sem slíkt gerist í MMA.
Don’t hate just fucking penetrate. #blood #RedWedding #GoTInRealLife #RedWedding https://t.co/lDo3Rh96t2 pic.twitter.com/xoDmHJDlgd
— Nicolas “Lokomotivo” Dalby (@DalbyMMA) June 30, 2019
This image will go down in Cage Warriors history.
— Cage Warriors (@CageWarriors) June 30, 2019
If you haven't already seen what happened last night, now's the time to fire up the @UFCFightPass. #CW106 pic.twitter.com/R3OnbGraNs
.@HitmanHouston90 and @DalbyMMA step into the studio with @EdithLabelle and share a beer after their WAR at #CW106 ? pic.twitter.com/oBWv1KJ5wj
— Cage Warriors (@CageWarriors) June 30, 2019
Here's your #CW106: Night of Champions main card highlights in just 1️⃣ minute! pic.twitter.com/Fjn3BTzppD
— Cage Warriors (@CageWarriors) June 30, 2019
Daninn Dalby lagði til að þeir myndu mætast aftur á UFC bardagakvöldinu í Kaupmannahöfn í september.
