Gunnar Nelson býst við að fá bardaga á UFC 232 í Las Vegas í lok árs. Bardagakvöldið fer fram þann 29. desember og væri því um að ræða áramótabardaga fyrir Gunnar.
Þetta sagði Gunnar í Búrinu á Stöð 2 Sport en hluti af þættinum birtist á Vísi áðan.
UFC 232 verður síðasta bardagakvöld ársins hjá UFC en í aðalbardaga kvöldsins mætast þær Amanda Nunes og Cris ‘Cyborg’ Nunes um fjaðurvigtartitil kvenna.
Gunnar segir í Búrinu að öllum líkindum muni hann berjast þetta kvöld þó enginn andstæðingur sé staðfestur. Jorge Masvidal kom til greina en hann hefur ákveðið að fara aftur niður í léttvigt.
Búrið verður á dagskrá kl. 21:35 í kvöld á Stöð 2 Sport en í þættinum er farið ítarlega yfir UFC 229 bardagakvöldið um helgina þar sem þeir Conor McGregor og Khabib Nurmagomedov mætast í aðalbardaga kvöldsins.
