Thursday, March 28, 2024
HomeForsíðaGunnar Kolbeinn berst sinn þriðja atvinnumannabardaga um næstu helgi

Gunnar Kolbeinn berst sinn þriðja atvinnumannabardaga um næstu helgi

Gunnar Kolbeinn Kristinsson berst sinn þriðja atvinnumannabardaga í boxi þann 9. maí í Finnlandi. Andstæðingur hans er hinn hvít-rússneski Artisom Charniakevich.

Gunnar Kolbeinn, betur þekktur sem Kolli, hefur sigrað báða atvinnumannabardaga sína til þessa. Kolli hóf ferilinn með sigri á Janis Ginters frá Lettlandi í Svíþjóð í nóvember síðastliðnum. Hann fylgdi þeim sigri eftir með sigri á Edgar Kalnars í mars en Kolli berst í þungavigt.

Kolli er nú að leggja lokahönd á undirbúninginn og hefur notið liðsinnis Skúla Ármannssonar við undirbúninginn en Skúli á að baki atvinnumannabardaga í þungavigt.

Artisom Charniakevich er 28 ára og á níu bardaga að baki. Hann vegur 101 kg á meðan Kolli vegur um 111 kg.

Kolli segist aldrei hafa verið í betra formi en hann hefur verið í stífum æfingabúðum undanfarið. Kolli mun freista þess að vera enn ósigraður að bardaganum loknum en bardaginn fer fram í Lapua, Finnlandi þann 9. maí.

Hægt er að fylgjast með Kolla á Facebook síðu hans hér.

kolli boxer
Mynd tekin af Facebook síðu Kolla.
Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular