Tuesday, March 19, 2024
HomeErlentHitaðu upp fyrir UFC 220 með því að sjá síðustu rothögg Ngannou...

Hitaðu upp fyrir UFC 220 með því að sjá síðustu rothögg Ngannou og Miocic

UFC 220 fer fram annað kvöld þar sem barist verður um þungavigtartitilinn. Af því tilefni kíkjum við á tvo síðustu sigra Stipe Miocic og Francis Ngannou.

Aðalbardaginn á UFC 220 er einn besti þungavigtarbardagi í langan tíma. Meistarinn Stipe Miocic mætir þá Francis Ngannou en báðir hafa verið duglegir að klára bardaga sína að undanförnu.

Síðast sáum við Stipe Miocic mæta Junior dos Santos á UFC 211 í maí. Dos Santos hafði sigrað Miocic nokkrum árum áður og því hafði Miocic harma að hefna. Miocic tókst að hefna fyrir tapið og rotaði dos Santos í 1. lotu.

Francis Ngannou hefur farið hamförum síðan hann kom fyrst í UFC. Í desember mætti hann Alistair Overeem og var ljóst að sigurvegarinn myndi fá titilbardaga gegn meistaranum Stipe Miocic. Ngannou var ekki lengi að rota Overeem með einhverju svakalegasta upphöggi sem sést hefur og tryggði sér þar með titilbardagann. Rothöggið var að margra mati rothögg ársins 2017 og verður áhugavert að sjá hvað hann gerir gegn Miocic á morgun.

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular