Holly Holm sigraði Rondu Rousey í gær og er nýji bantamvigtarmeistari UFC. Holm rotaði Rousey með hásparki í 2. lotu.
Í viðtali við Megan Olivi eftir bardagann talaði Holm um að hún hefði gripið tækifærið þegar það bauðst. Upphaflega átti bardaginn að fara fram 2. janúar á UFC 195 en vegna meiðsla í upphaflega aðalbardaga UFC 193 var bardaga Holm og Rousey flýtt.
„Ég greip tækifærið sem bauðst. Ef ég hefði varkár hefði ég örugglega ekki tekið bardagann þegar það bauðst. Þetta tækifæri kom snemma fyrir mig og svo enn fyrr þegar bardaganum var flýtt. Hvernig ætlaru að komast áfram í íþróttinni ef þú grípur ekki tækifærið þegar það býðst?“
Aðspurð um hvort hún og hvenær hún vilji mæta Rousey aftur ef það er það sem UFC vill ætlar Holm að taka öllu sem býðst.
Hér má sjá rothöggið hjá Holm:
