ONE Championship verður með bardagakvöld í Singapore á morgun, föstudag. Í aðalbardaganum mætast veltivigtarmeistarinn Kiamrian Abbasov og James Nakashima.
Vegna kórónuveirufaraldursins hefur lítið verið að gerast í ONE Championship á undanförnum misserum. Síðasta föstudag var fyrsta bardagakvöldið í langan tíma og nefndist það ONE: Inside the Matrix. Á morgun er eins konar framhald á því kvöldi og nefnist það ONE: Inside the Matrix II.
Fyrsti bardagi dagsins hefst kl. 12:30 á íslenskum tíma en einungis verða 5 bardagar á dagskrá og verður kvöldinu streymt beint á Youtube rás ONE Championship
Í næstsíðasta bardaga dagsins mun Rússinn Timofey Nastyukhin og Hollendingurinn Peter Buist mætast í léttvigt sem sker úr um hvor þeirra mætir léttvigarmeistaranum Christian Lee um beltið. Timofey Nastyukhin er þekktastur fyrir það að vera fyrsti andstæðingur fyrrum UFC léttvigarmeistarans Eddie Alvarez í ONE Championship. Nastyukhin gerði sér lítð fyrir og rotaði Eddie Alvarez í fyrstu lotu.
Bardagakvöldið (hefst kl. 12:30)
Veltivigt titilbardagi: Kiamrian Abbasov gegn James Nakashima
Léttvigt: Timofey Nastyukhin gegn Pieter Buist
Fluguvigt: Kim Kyu Sung gegn Yuya Wakamatsu
Fluguvigt: Eko Roni Saputra gegn Ramon Gonzales
Atómvigt kvenna: Priscilla Hertati Lumban Gaol gegn Meng Bo
