Í dag fer fram skemmtilegt bardagakvöld í Zagreb í Króatíu. Bardagakvöldið er á góðum tíma hér á Íslandi.
Æ oftar sjáum við UFC bardagakvöld á sunnudögum. Líkt og þegar Gunnar Nelson berst í maí fer bardagakvöldið í kvöld fram á sunnudegi á góðum tíma hér á klakanum.
Fyrsti bardagi dagsins hefst kl 14:30 á Fight Pass rás UFC. Aðalhluti bardagakvöldsins hefst hins vegar kl 18 og verður í beinni útsendingu á Stöð 2 Sport 3.
Í aðalbardaga kvöldsins mætast þeir Ben Rothwell og Junior dos Santos. Bardaginn er mikilvægur í þungavigtinni enda gæti Rothwell fengið titilbardaga með sigri.
Þetta eru bardagar kvöldsins:
Aðalhluti bardagakvöldsins
Þungavigt: Ben Rothwell gegn Junior dos Santos
Þungavigt:Gabriel Gonzaga gegn Derrick Lewis
Þungavigt:Francis Ngannou gegn Curtis Blaydes
Þungavigt:Timothy Johnson gegn Marcin Tybura
Léttþungavigt: Igor Pokrajac gegn Jan Błachowicz
Strávigt kvenna: Maryna Moroz gegn Cristina Stanciu
Upphitunarbardagar (Fox Sports 1)
Veltivigt: Nicolas Dalby gegn Zak Cummings
Bantamvigt: Ian Entwistle gegn Alejandro Pérez
Léttvigt: Mairbek Taisumov gegn Damir Hadzović
Bantamvigt: Filip Pejić gegn Damian Stasiak
Upphitunarbardagar (UFC Fight Pass)
Fjaðurvigt: Robert Whiteford gegn Lucas Martins
Þungavigt: Jared Cannonier gegn Cyril Asker
Millivigt: Bojan Veličković gegn Alessio Di Chirico
