Íslandsmeistaramót fullorðinna í brasilísku jiu-jitsu fer fram sunnudaginn 23. nóvember. Eins og undanfarin ár fer mótið fram í sal Ármenninga í Laugardalnum og er keppt í galla (Gi).
Gríðarleg aukning hefur verið í íþróttinni á undanförnum árum en í fyrra var metþátttaka þegar 94 keppendur voru skráðir til leiks. Má búast við svipaðri skráningu í ár. Frá upphafi Íslandsmeistaramótsins hafa einungis verið tveir kvennaflokkar en í ár verður tveimur kvennaflokkum bætt við.
Vigtun fer fram á mótsdag og er vigtað í galla. Mótið hefst kl 10:30 og er aðgangur ókeypis fyrir áhorfendur. Þyngdarflokkana má sjá hér að neðan en nánari upplýsingar má sjá á plakatinu hér að neðan.
Þyngdarflokkarnir verða eftirfarandi:
Karlar
-64 kg
-70 kg
-76 kg
-82,3 kg
-88,3 kg
-94,3 kg
-100,5 kg
+100,5 kg
Konur
-58 kg
-64 kg
-74 kg
+74 kg
Jafnframt verður keppt í opnum flokki karla og kvenna.
.){kind=link}