Ronaldo ‘Jacare’ Souza mætir Kelvin Gastelum á UFC 224 í maí. Hugsanlega mun sigurvegarinn fá næsta titilbardaga í millivigtinni. UFC tilkynnti þetta í gærkvöldi en UFC 224 fer fram í Brasilíu þann 12. maí.
Síðast sáum við Jacare klára Derek Brunson með rothöggi í 1. lotu í lok janúar. Hinn 38 ára Jacare er 8-2 á ferli sínum í UFC en einu töpin hans voru gegn Yoel Romero og Robert Whittaker. Að öllum líkindum mun Romero mæta meistaranum Whittaker þegar sá síðarnefndi hefur náð heilsu.
Kelvin Gastelum er 4-1 (1) síðan hann fór upp í millivigt. Gastelum rotaði fyrrum meistarann Michael Bisping í nóvember og hefur litið vel út í millivigtinni. Hans eina tap var gegn Chris Weidman í fyrra og þá var einn bardagi dæmdur ógildur (rothögg gegn Vitor Belfort) eftir að hann féll á lyfjaprófi fyrir grasreykingar.
Vitor Belfort mun svo mæta Lyoto Machida á sama kvöldi og stefnir því í eitt gott brasilískt bardagakvöld í maí.
