Jólasveinarnir 13 eru á leið til byggða. Þar sem þessi þjóðsaga er þjóðþekkt er tilvalið að rifja upp 13 skemmtilegar þjóðsögur úr bardagaheiminum.
Einhverjar af þessum sögum hafa verið staðfestar en aðrar eru einfaldlega skemmtilegar þjóðsögur sem ómögulegt er að vita hvort séu sannar eða ekki.
Brock Lesnar kom eins og stormsveipur í UFC og varð fljótt ein stærsta stjarna UFC. Þetta 130 kg vöðvatröll gerði garðin frægan í fjölbragðaglímunni og varð svo þungavigtarmeistari í UFC. Hann var afburða glímumaður í bandarísku háskólaglímunni á sínum yngri árum og varð meðal annars meistari í efstu deildinni þar.Nik Lentz berst í léttvigt UFC er ágætis glímumaður. Lentz keppti áður í fjaðurvigtinni (145 punda flokkur eða um 66 kg). Af einhverjum ástæðum voru Lentz og Lesnar að glíma.
Lentz lýsti reynslunni sem frekar ógeðslegri þar sem Lesnar svitnar meira en gengur og gerist. Lentz náði „guillotine“ hengingu á Lesnar sem gafst upp. Þetta fór eitthvað illa í Lesnar því í næstu glímu tekur hann Lentz upp fyrir haus og fleygir honum þvert yfir æfingarsalinn, líkt og sést í WWE. Þeir glímdu ekki aftur eftir þetta. Lentz sagði að þetta hefði allt verið í góðu gríni og engin illindi fylgt þessum glímum.
Matt Hughes glímdi líka við hann þegar hann var að byrja og hengdi hann líka og Brock tók eitthvað svipað kast þá, litla barnið sem hann er!