Tuesday, June 18, 2024
spot_img
HomeBoxKolli vann beltið sannfærandi

Kolli vann beltið sannfærandi

Kolbeinn Kristinsson sigraði Pavlo Krolenko sannfærandi eftir 5 lotur. Krolenko tók bardagann með stuttum fyrirvara, en engu að síður gaf hann sig allan í bardagann og lét Kolla vinna fyrir sigrinum. 

Krolenko er með 14 töp á ferlinum, en eftir bardagann voru allir sammála um að sú tölfræði gæfi ekki rétta mynd af getu Krolenko. Krolenko var mjög þéttur, lét Kolla slá mikið í vörnina sína og reyndi að velja rétta tímann til þess að sækja á Kolla með þungum höggum.  

Kolli vann fyrstu loturnar sannfærandi og byrjaði Krolenko að þreytast snemma. Það nýtti Kolli sér til að refsa honum í skrokkinn og gera kvöldið enn erfiðara fyrir andstæðinginn sinn. Undir lok fjórðu lotu og í þeirri fimmtu var Kolli sjálfur orðinn þreyttur og opnaðist vörnin hans í kjölfarið. Kolli át nokkur högg sem litu út fyrir að vera þung og tókst Krolenko að líta sannfærandi út í lok fimmtu lotu. 

Áður en sjötta lotan byrjaði varð ljóst að Krolenko hafði sett allt í sölurnar til þess að standa almennilega í hárinu á Kolla og tók hann þá ákvörðun um að gefast upp. Krolenko átti ekkert eftir á tanknum, Kolli var búinn að veðra allan storminn sem hann hafði upp á að bjóða og hann vissi að hann væri undir á hjá dómurunum. 

Sigurinn í höfn og Kolbeinn orðinn Baltic Union meistari!

RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular