Þrekprófið fyrir Keppnislið Mjölnis var kynnt í dag og voru þau Sunna Rannveig Davíðsdóttir, Diego Björn Valencia og Egill Öydvin Hjördísarson fengin til að prófa prófið.
Til að standast prófið þarf að klára eftirfarandi þrautir:
Hlaup (leiðina má sjá á meðfylgjandi mynd)
Strákar: hlaupa 2 km á 7:45
Stelpur: hlaupa 2 km á 9:00
Armbeygjur
Strákar: 50
Stelpur: 30
Hnébeygjuhopp
Strákar: 40
Stelpur: 30
Dauðar upphýfingar
Strákar: 12
Stelpur: 6
Sit outs
Strákar: 50
Stelpur: 40
MMA fréttir tók tal á Jóni Viðari Arnþórssyni, formanni Mjölnis, en hann bjó til prófið.
Hvernig stóðu þau sig í prófinu? „Sunna náði öllum hlutum prófsins, Diego náði öllu nema hlaupinu og upphýfingunum og Egill náði öllu nema upphýfingunum“
Hvenær verður svo prófið formlega? „Líklegast aðra vikuna í janúar en það verður auglýst í desember. Síðasti séns til að sækja um til að komast í prófið er 12. desember.“
Hvað gerist ef þau ná ekki prófinu? „Þeir sem eru nú þegar meðlimir í keppnisliði Mjölnis myndu þá fá annað tækifæri til að taka prófið tveimur vikum seinna en þeir sem eru ekki meðlimir þyrftu því að sækja aftur um í september þegar prófið verður næst. Þeir sem ná ekki prófinu fá einfaldlega ekki að æfa með Keppnisliði Mjölnis, engin miskun“
Jón Viðar gerði skemmtilegt myndband af prófinu:
Inntökupróf Keppnisliðis Mjölnis (2013) from Mjolnir MMA on Vimeo.
Hellað!