Leon Edwards mætir Gunnari Nelson á UFC bardagakvöldinu í London á laugardaginn. Edwards býst við erfiðum bardaga en er sannfærður um að hann standi uppi sem sigurvegari að lokum.
Bardaginn er næstsíðasti bardagi kvöldsins á laugardaginn og mikilvægur bardagi í flokknum. Edwards segir að Gunnar sé góður á öllum vígstöðum bardagans og hafi bætt sig í standandi viðureign. Þá er Gunnar mjög góður ofan á í gólfinu og er einn erfiðasti andstæðingurinn í veltivigtinni.
„Ég spái því að höndin mín fari upp. Ég vil klára hann til að koma með yfirlýsingu. Ég hef æft vel fyrir erfiðan þriggja lotu bardaga en það væri bónus að klára bardagann. Ég spái því að ég verði sigurvegarinn á laugardaginn,“ segir Edwards.
Viðtalið við Edwards má sjá í heild sinni en þar talar hann meðal annars um yngri bróðir sinn Fabian Edwards og bardaga hans gegn Hrólfi Ólafssyni árið 2016, rætur sínar í Jamaíka, sigurinn gegn Donald Cerrone og fleira.
