Khabib Nurmagomedov tók sér smá frí um helgina frá undirbúningi sínum fyrir UFC 223 í apríl. Khabib skellti sér til Spánar þar sem hann hitti Cristiano Ronaldo.
Khabib var boðið á leik Real Madrid og Real Sociedad í spænsku deildinni í gær. Þar sá Khabib heimaliðið vinna 5-2 og skoraði Ronaldo þrennu í leiknum.
Eftir leikinn var Khabib boðið að hitta Ronaldo og skiptust þeir á gjöfum. Ronaldo virðist vera MMA aðdáandi en af þeim 388 sem Ronaldo fylgir á Instagram eru margir MMA bardagamenn og konur. Má þar nefna Khabib, Conor, Jon Jones, Artem Lobov, Peter Quelly, Alistair Overeem, Cody Garbrandt, Tyron Woodley, Mickey Gall, Robbie Lawler, Dominick Cruz, Rose Namajunas, Sage Northcutt, Demetrious Johnson, Jose Aldo, Rashad Evans, Urijah Faber, Luke Rockhold, Paige VanZant, Holly Holm, Cain Velasquez og fleiri. Þá hitti hann Conor McGregor hér um árið í Las Vegas.
Khabib mætir Tony Ferguson á UFC 223 í apríl.
