Michael Bisping mætti Thales Leites í gær í aðalbardaganum á bardagakvöldi í Skotlandi. Óvenjuleg támeiðsli Bisping stálu athyglinni frá bardaganum.
Bisping sigraði Leites eftir klofna dómaraákvörðun í skemmtilegum bardaga. Í 2. lotu rifnaði húð af stórutá Bisping og fann hann til í hvert sinn sem hann steig í fótinn. Á myndinni má sjá hvernig húðin hangir eins og beikonsneið.
„Það er frábært að berjast erfiðan fimm lotu bardaga og það eina sem fólk vill tala um er táin þín. Þetta eru bara pirrandi eymsli. Hvert skref var sársaukafullt en ég get svo sem ekki kvartað,“ sagði Bisping eftir bardagann.
