Friday, March 29, 2024
HomeErlentTilþrif í Bellator í gær - Micheal Page með rothögg

Tilþrif í Bellator í gær – Micheal Page með rothögg

michael_pageBellator 140 fór fram í gær og mátti sjá nokkur glæsileg tilþrif. Vonarstjarna Bellator, Micheal Page, olli ekki vonbrigðum og Paul Daley náði sínu 41. rothöggi á ferlinum.

Micheal ‘Venom’ Page er ein helsta vonarstjarna Bellator. Kappinn er með skemmtilegan stíl og var sigurinn í gær hans áttundi á ferlinum. Hann er enn taplaus og var þetta fjórði sigur hans með rothöggi.

Rothöggið í endursýningu

Brennan Ward mætti Roger Carroll og er óhætt að segja að Carroll hafi ekki átt erindi í búrið með Ward. Það tók Ward aðeins tvær mínútur að klára Carroll með þessu rothöggi.

Paul Daley hélt uppteknum hætti og sigraði Dennis Olson með rothöggi í 2. lotu. Daley var í nokkur skipti nálægt því að klára bardagann og hafði mikla yfirburði.

Í aðalbardaganum mættust þeir Andrey Koreshkov og Douglas Lima um veltivigtarbeltið. Lima tókst ekki að verja beltið og var Koreshkov krýndur veltivigtarmeistari Bellator í gær.

Pétur Marinó Jónsson
Pétur Marinó Jónssonhttps://www.mmafrettir.is
Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Viaplay
RELATED ARTICLES

Leave a Reply

This site uses Akismet to reduce spam. Learn how your comment data is processed.

- Advertisment -

Most Popular