Ares FC var með sitt fyrsta bardagakvöld um helgina. Bardagakvöldið fór fram í Senegal og var heimamaður stjarna kvöldsins.
Fyrsta bardagakvöld Ares FC fór fram í Senegal á laugardaginn. Bardagasamtökin ætla að halda bardagakvöld í Afríku og Frakklandi til að búa til vettvang fyrir upprennandi bardagamenn frá Afríku og Frakklandi til að keppa á. Ares FC vonast til að búa til framtíðar bardagamenn fyrir stærri bardagasamtök eins og UFC og Bellator.
Á fyrsta bardagakvöldinu barðist Oumar Kane, kallaður Reug Reug, sinn fyrsta MMA bardaga. Kane er ósigraður þungavigtarmeistari í senegalskri glímu sem kallast laamb. Kane er nokkuð þekktur í Senegal og var mikil spenna fyrir frumraun hans í MMA. Kane hefur ferðast til New York til að æfa MMA en í laamb eru einnig högg með fellunum og var hann því ágætlega undirbúinn fyrir frumraun sína í MMA.
Kane mætti Sofiane Boukichou (6-3 fyrir bardagann) frá Frakklandi og fékk sá franski flugferð í 1. lotu.
Welcome to Reug Reug Airlines ✈️#ARES1 pic.twitter.com/IvaJxfUFBe
— ARES Fighting Championship (@ares_fighting) December 14, 2019
Aðferð Kane við að losna úr Kimura taki verður sennilega ekki kennd á byrjendanámskeiðum í glímu en virkaði.
Just Reug Reug escaping a Kimura attempt… like THAT?!? 😳#ARES1 pic.twitter.com/1O8MAANX0A
— ARES Fighting Championship (@ares_fighting) December 16, 2019
Kane náði síðan að rota Boukichou í 2. lotu en krafturinn bar tæknina ofurliði.
Fyrsta bardagakvöld Ares FC endaði reyndar ekki alveg nógu vel þar sem rakinn var of mikill í Dakar þetta kvöld og þurfti því að hætta við nokkra bardaga.
Our sincere apologies for cutting tonight’s event short. Unfortunately the intense humidity in Dakar tonight made for unsafe fighting conditions. Our priority is the safety of our fighters. ARES Team
— ARES Fighting Championship (@ares_fighting) December 14, 2019
Hægt er að sjá meira af bardaganum hér.
