Conor McGregor hefur dvalið í Las Vegas síðustu daga fyrir bardaga sinn gegn Donald Cerrone næstu helgi. Conor fékk plötusnúð á æfingu til að halda uppi stuðinu.
Þeir Conor McGregor og Donald ‘Cowboy’ Cerrone mætast í aðalbardaga kvöldsins á UFC 246 þann 18. janúar. Bardaginn fer fram í Las Vegas og var Conor kominn til Las Vegas snemma í janúar ásamt föruneyti sínu.
Conor æfir í UFC Performance Institute í Las Vegas síðustu dagana fyrir bardagann og fékk til sín DJ Bissett til að halda uppi fjörinu á æfingu á dögunum.
Conor birti myndband af æfingunum sínum í Vegas á samfélagsmiðlum sínum. Í myndbandinu er Conor á púðunum hjá Bra Brady og Phil Sutcliffe frá Crumlin Boxing Club en þar byrjaði Conor að boxa á sínum tíma. Þá sést hann einnig með Owen Roddy sem hefur lengi verið einn af þjálfurum hans.
